2026 ലോകകപ്പ് ഉദ്ഘാടന ചടങ്ങുകൾ: ഇന്ത്യൻ സമയക്രമവും ചാനലുകളും

ചരിത്രത്തിലാദ്യമായി 48 ടീമുകൾ പങ്കെടുക്കുന്ന 2026 ഫിഫ ലോകകപ്പിന് ജൂൺ 11-ന് തുടക്കമാവുകയാണ്. അമേരിക്ക, കാനഡ, മെക്സിക്കോ എന്നീ മൂന്ന് രാജ്യങ്ങൾ സംയുക്തമായാണ് ഇത്തവണ ആതിഥേയത്വം വഹിക്കുന്നത്. അതിനാൽ തന്നെ മൂന്ന് വ്യത്യസ്ത നഗരങ്ങളിലായി മൂന്ന് ഉദ്ഘാടന ചടങ്ങുകളാണ് ഇത്തവണ ഒരുക്കിയിരിക്കുന്നത്.

ഇന്ത്യയിലെ ഫുട്ബോൾ ആരാധകർക്കായി മത്സരങ്ങളും ഉദ്ഘാടന ചടങ്ങുകളും തത്സമയം കാണാനുള്ള വിവരങ്ങൾ താഴെ പറയുന്നവയാണ്: 

• TV ചാനലുകൾ (ഇന്ത്യ): Unite8 Sports നെറ്റ്‌വർക്ക് ചാനലുകൾ (Unite8 Sports 1, 1 HD, 2, 2 HD എന്നിവയിൽ ഇംഗ്ലീഷ്, ഹിന്ദി കമന്ററികളോടെ കാണാം).
• ലൈവ് സ്ട്രീമിംഗ് (OTT): Zee5 ആപ്പിലും വെബ്‌സൈറ്റിലും തത്സമയം കാണാം

ഉദ്ഘാടന ചടങ്ങുകളുടെ സമയക്രമവും വേദികളും (Indian Standard Time - IST)

ചടങ്ങ് & രാജ്യം	ഉദ്ഘാടന വേദി (Venue)	തീയതി	സമയം (Indian Time - IST)
1. മെക്സിക്കോ സിറ്റി	Estadio Azteca	ജൂൺ 11 (വ്യാഴം)	രാത്രി 10:30 PM
2. ടൊറന്റോ, കാനഡ	BMO Field	ജൂൺ 12 (വെള്ളി)	രാത്രി 11:00 PM
3. ലോസ് ആഞ്ചലസ്, USA	SoFi Stadium	ജൂൺ 13 (ശനി)	പുലർച്ചെ 05:00 AM

ഉദ്ഘാടന ചടങ്ങിലെ പ്രധാന ആകർഷണങ്ങൾ

ഇറ്റാലിയൻ പ്രൊഡ്യൂസറായ മാർക്കോ ബാലിച് ആണ് ഈ മൂന്ന് വമ്പൻ ചടങ്ങുകളും അണിയിച്ചൊരുക്കുന്നത്.

• മെക്സിക്കോ (ജൂൺ 11): പോപ്പ് ലോകത്തെ റാണി ഷക്കീറയും (Shakira) ബേൺ ബോയും (Burna Boy) ചേർന്ന് ഈ ലോകകപ്പിന്റെ ഔദ്യോഗിക ഗാനമായ 'Dai Dai' ആദ്യമായി വേദിയിൽ അവതരിപ്പിക്കും. ജെ ബാൽവിൻ, ടൈല എന്നിവരും ഒപ്പമുണ്ടാകും.

• കാനഡ (ജൂൺ 12): പ്രശസ്ത കനേഡിയൻ ഗായകൻ മൈക്കൽ ബൂബ്ലേ (Michael Buble), അലാനിസ് മോറിസെറ്റ് എന്നിവർക്കൊപ്പം ഇന്ത്യക്കാരുടെ പ്രിയങ്കരിയായ നോറ ഫത്തേഹിയും (Nora Fatehi) വേദിയിലെത്തും.

• അമേരിക്ക (ജൂൺ 13): അന്താരാഷ്ട്ര പോപ്പ് താരം കെയ്റ്റി പെറി (Katy Perry), റാപ്പർ ഫ്യൂച്ചർ, ലിസ (LISA), റീമ എന്നിവർക്കൊപ്പം പ്രശസ്ത ഹോളിവുഡ് നടൻ ജേസൺ സുഡീക്കിസും ആരാധകരെ സ്വാഗതം ചെയ്യാനുണ്ടാകും.

ഉദ്ഘാടന ചടങ്ങുകൾ കഴിഞ്ഞ ഉടൻ തന്നെ അതത് രാജ്യങ്ങളിലെ ആദ്യ മത്സരങ്ങൾ ആരംഭിക്കുന്നതാണ്. (ഉദാഹരണത്തിന്: മെക്സിക്കോയിലെ ചടങ്ങിന് ശേഷം ജൂൺ 12 പുലർച്ചെ 12:30 AM-ന് മെക്സിക്കോ vs സൗത്ത് ആഫ്രിക്ക മത്സരം ആരംഭിക്കും).